Om förskolan i Luleå (nordsamiska)

Lulejus gávdnojit 52 suohkanlaš ovdaskuvlla ja 9 iehčanas ovdaskuvlla feara gos suohkanis. Ovdaskuvllas barget ovdaskuvlaoahpaheaddjit ja mánnageahččit geaid bargu lea ovddidit mánáid oahppama mihtuid ja njuolggadusaid mielde mat oidnojit ovdaskuvlla oahppoplánas ja skuvlalágas. Ovdaskuvla lea vuosttaš lávki ruoŧa oahpahusvuogádagas.

Ovdaskuvlla doaibma galgá bidjat vuođu eallinagi oahppamii. Dat galgá leat dorvvolaš, lotkat ja oahppevaš. Oahppan galgá dáhpáhuvvat sihke ovttasdoaibmamiin gaskal ollesolbmuid ja mánáid ja go mánát ohppet gaskaneaset. Doaimmas galgá fuolahusas atnit indiviida buorredili dovddu ja ovdáneami.

Gii sáhttá ohcat saji ovdaskuvlii?

Fuolaheddjiin geain lea mánná gii deavdá 3 jagi lea vuoigatvuohta ohcat 15 diibmosaš saji vahkkui, nu gohčoduvvon bidjama vahkkosaš dábálaš ovdaskuvlii. Iešguhtet ovdaskuvla mearrida 15 diibmui beivviid ja goas doppe beassá leat. Dábálaš ovdaskuvla čuovvu skuvlla lohkanplána, ja ii gusto bassebeivviid ja oahppobeivviid.

Mánáin sáhttá maiddái vissis dilálašvuođain vuoigatvuohta ovdaskuvlla sadjái jus mánás leat sierra dárbbut bearašdili geažil dahje jus mánná dárbbaša earenoamáš doarjaga iežas ovdáneapmái ovdaskuvlla oktavuođas fysalaš, psyhkalaš dahje eará sivaid geažil. Ohcan gáibiduvvo ja suohkan dahká sierra árvvoštallama juohke dilálašvuođas.

Fuolaheddjiin geat leat barggus dahje alit oahpus lea vuoigatvuohta ohcat ovdaskuvlasaji dan áigái go sii mátkkoštit bargui ruoktot ja bargoáiggis.

Movt ozan ovdaskuvlii?

Oza skoviin” Saji ohcan suohkanlaš ovdaskuvlii”. Jus dárbbašat veahki ohcamiin, de váldde oktavuođa Deaivvadanbáikkiin čujuhusas Smedjegatan 17A. Jus don ja du mánná háliideahppi ovttastallat beaivet, de leahppi buresboahtin mánáid ja váhnemiid Deaivvadanbáikái. Loga eambbo dás: Mötesplatsen för barn och föräldrar - Luleå kommun (lulea.se) External link.

Mánáin geat leat ovdaskuvllas ii leat vuoigatvuohta skuvlasáhttui.

Maŋŋel go leat ohcan saji

Go don fuolaheaddjin leat ohcan saji, de oažžut reivve mas fállojuvvo sadji maid galggat vástidit. Loga njuolggadusaid ovdaskuvlasaji birra ovdalgo dohkkehat fálaldaga: geahča: Regler för placeringar i förskola - Luleå kommun (lulea.se) External link.

Spesiálaborramuš

Jus du mánná dárbbaša spesiálaborramuša, de galggat ohcat spesiálaborramuša go dutnje fállojuvvo ovdaskuvlasadji ja don válddát vuostá saji.
Information och ansökan om specialkost i förskola och skola External link.

Luleju ovdaskuvla– guoddevaš máilmmi ovddas, gos ráhkadannákca, hutkáivuohta ja suohtas oahppan buktá ovdáneami

Sidan uppdaterades den 9 December 2022