Oza doarjaga ja veahki

Jus don it šat birge iežat árgabeaivvi de sáhtát ohcat doarjaga ja veahki ruktui.

Mii doarjjagieđahallan lea ja got doaibmá?
Go válddát oktavuođa gielddain oažžut doarjaga ruovttus de boađát deaivvadit doarjjagieđahalliin. Deaivvadeapmi lea du luhtte, buohcceviesus dahje doppe gos sávat. Du lagašolbmot leat maid buresboahtimat oassálastit.

Ságastallan doarjjagieđahalliin
Doarjjagieđahalliid bargun lea gieđahallat du dárbbu doarjagii ja veahkkái dain ohcamuša vuođul. Don boađát earret iežá oažžut jearaldagaid du dili birra, got dus lea leamaš ovdal, got don vásihat dál ja got háliidat boahtteáiggis. Ovttas mannabeahtti čađa du dárbbuid ja sávaldagaid. Dan maŋŋil du ohcamuš geahččaluvvo ja golbma vahku siste oaččut mearrádusa.

Dokumentašuvdna
Doarjjagieđahalli boahtá čállit deaivvadeamis. Dát vai sáhttá addit nu buori veahki go vejolaš muhto maid dan dihte go gielddas lea geatnegasvuohta dokumenteret. Dus lea álo riekti váldit oasi mii gávdno dokumeanttas du birra.

Mearrádus
Go dagat ohcamuša de sosiálabálvalusláhka, Julevu gieldda njuolggadusat ja du individuála dárbbut leat mearrádusa vuođđun. Vuolggasadji sosiálabálvaluslágas lea ahte dan guhte ii ieš dahje iežá láhkái sáhte duhtadit iežas dárbbuid galgá oažžut veahki. Láhka lohká ahte jus sáhttá birget juoga ieš de galgá dahkat dan ieš. Lágas čužžo ahte veahkki galgá hábmehuvvot nu ahte don oaččut nu iešráđálaš eallima go vejolaš ja olahat dohkálaš eallindási.

Ulbmil
Don boađát ovttas doarjjagieđahallin bidjat ulbmiliid maid ruovttobálvalusa bargit bohtet veahkehit du geahččalit ollašuhttit.

Du doarjagiid plánen
Don boađát oažžut mearrádusa du doarjagiid birra, gos dan maid don dárbbahat nu ahte olahat iežat ulbmiliid boahtá leahkit mielde. Sisdoalu plánet ovttas ossodathoavddaid ja/dahje bargiin ruovttobálvalusas. Jus don it leat duhtavaš got veahkki plánejuvvo de váldde álggus oktavuođa ossodathoavddain. Lea dehálaš ahte don dieđát ahte dus lea álo riekti váldit oktavuođa doarjjagieđahalliin jus don it leat duhtavaš daid doarjagiiguin maid oaččut dahje jus eai leat doarvái.

Čuovvuleapmi
Doarjjagieđahalli boahtá ovttas duinna čuovvulit du mearrádusa ja maid don oaivvildat du veahki birra 5-7 vahku geažis. Dan maŋŋil mearrádus boahtá čuovvuluvvot unnimus oktii jahkái dahje dalle go du dárbu doarjagii ja veahkkái rievdá.

Hilgun ja váidaleapmi
Leat go hilgun du ohcamuša de dus lea álo riekti váidalit. Don čálát mainna don it leat duhtavaš ja manne iežat doarjjagieđahallái. Jus don it ieš birge dan de doarjjagieđahalli sáhttá veahkehit du.

Du ohcamuš
Du ohcamuš gieđahallo nu jođánit go vejolaš. Min ulbmil lea ahte don galggat oažžut mearrádusa golbma vahkus maŋŋil go visot áššebáhpirat leat boahtán sosiálahálddahussii.

Jus mii galgat sáhttit dahkat buori barggu de lea dehálaš ahte don;

  • guođát dan dieđu man mii dárbbahit sihke ohcamušas ja go oaččut doarjaga
  • muitalat iežat sávaldagaid – mii boahtit geahččalit duhtadit daid
  • dieđihat minsiidda jus leat rievdadusat dahje jus don soames siva dihte it leat ruovttus daid áiggiid maid mii leat soabadan

Čiegusvuohta
Dieđut du persovnnalaš diliid birra suodjaluvvot mearrádusain jávohisvuođabákkus ja čiegusvuođas. Dokumentašuvdna doarjjagieđahallis ja čađaheamis juolluduvvon doarjagiin eai oačču lohkkojuvvot dahje addojuvvot soapmásii ášši olggobealde du mieđáhusa haga. Muhto nuppe dáfus dus ieš lea riekti oaidnit ja kopieret ášši.

Plusbox, Blå

Innehåll

Sidan uppdaterades den 23 January 2023