Válgadiehtu

Čakčamánu 13 beaivvi leat válggat riikabeaivái, regiovdna- ja gielddadievasčoahkkimii. Ovdagihtiijienasteapmi álgá juo
miessemánu 26 beaivvi ja bistá gitta válgabeaivái.

Gil ožžo jienastit ja jienastangoarta?

Dus geas lea riekti jienastit boađát oažžut jienastangoartta. Jienastangoarta vuoseha makkár válggain don sáhtát jienastit ja maid makkár du válgalatnja lea válgabeaivvi. Du jienastangoarta boahtá sáddejuvvot dutnje digitálalaččat jus dus lea digitála reivelođá, muđui oaččut dan dego dábálaččat reivelođái. Jus dárbbahat ođđa jienastangoartta de oaččut dan Julevu gielddas. Diehtu got galggat bargat gávnnat vuolibut siiddus.

Ođđasat válggas

Ođas válggaide lea ahte ii šat dárbbaš jienastangoartta jienastit. Lea doarvái ahte sáhtát identifieret iežat ovdagihtijienastanlanjas dahje válgalanjas. Ođas lea maid ahte muhtin válgaguovllut leat molsun lanja, loga dárkilit iežat jienastangoarttas makkár báikkis du jienastanlatnja lea.

Got jienasta

Jienas válgabeaivvi

Don sáhtát jienastit válgalanjas válgabeaivvi. Diehtu makkár du válgalatnja lea čužžo du jienastangoarttas. Don it dárbbaš váldit mielde iežat jienastangoartta sáhttit jienastit válgalanjas válgabeaivvi. Lea doarvái ahte don sáhtát identifieret iežat id-duođaštusain dahje jus iežá olmmoš sáhttá duođaštit du identitehta. Dat olmmoš ferte dalle vuosehit iežas id-duođaštusa.

Jienas ovdagihtii

Du sáhtát jienastit ovdagihtijienastanlanjas. Ovdagihtijienasteapmi lea rabas borgemánu 26 beaivvis gitta válgabeaivái čakčamánu 13 beaivái. Don sáhtát jienastit ovdagihtii váikko makkár ovdagihtijienastanlanjas miehtá riikka. Don it dárbbaš váldit mielde jienastangoartta go jienastat ovdagihtijienastanlanjas. Lea doarvái ahte don sáhtát identifieret iežat id-duođaštusain dahje jus iežá olmmoš sáhttá duođaštit du identitehta. Julevu gielddas sáhtát jienastit ovdagihtii moadde báikkiin.

Doarjja jienasteamis ovdagihtijenastan – ja válgalanjas ja dieđut báikki beasatlašvuođa birra

Dus guhte lea doaibmahehttehus dahje sullasaš ja dárbbahat veahki válbmet iežat jiena sáhtát jearrat veahki jietnavuostáiváldis lanjas. Jietnavuostáiváldis, geas lea jávohisvuođageasku, veahkeha du dan muddui go dárbbahat. Don sáhtát maid váldit veahki vel ovtta olbmos guhte láve veahkehit du, muhto jietnavuostáiváldi ferte lea mielde. Dutnje geas lea heajos oaidnu gávdno lohkan-TV ovdagihtijienasteamis Luleå Energi Arenas mii sáhttá geavahuvvot stuoridit teavstta válgalihpuin. Válgaeiseválddi ruovttosiiddus, val.se, gávdno diehtu visot jietnavuostáiváldinbáikkiid beasatlašvuođastáhtus.

Jienas sáttaolbmuin dahje johtti jietnavuostáiváldiin

Jienasteaddji guhte agi, dávdda dahje doaibmahehttehusa dihte ii beasa ovdagihtijienastan- dahje válgalatnjii sáhttá jienastit sáttaolbmuin dahje johtti jietnavuostáiváldiin.

Jienasteaddjit geat leat váldon poliisaarestii dahje dikšoásahussii mii rádje vejolašvuođa jienastit ovdagihtijienastanlanjas sáhttá jienastit johtti jietnavuostáiváldi bokte.

Jienasteaddjit guhte orrut báikegoddereivelinja mielde dahje leat háldogiddagasas dahje ásahusas sáhttet jienastit sáttaolbmo bokte.

Jienastit sáttaolbmuin mearkkaša ahte soamis iežá go don ieš váldá mielde du jiena ovdagihtijienastan- dahje válgalatnjii. Jus galggat jienastit sáttaolbmuin dalle dárbbahat materiála sáttajienasteapmái.

Jus don it dovdda soapmása guhte sáhttá leat sáttaolmmái dutnje Julevu gielda sáhttá ordnet johtti jietnavuostáiváldin. Dalle bohte guokte jietnavuostáiváldi du lusa visot jienastanmateriálain ja váldet vuostá du jiena. Don sáhtát oažžut sáttaolbmojienasteami materiála ja diŋgot johtti jietnavuostáiváldi Julevu gieldda bokte. Geahča dieđuid vuolil.

Oktavuođadieđut

Diŋgot johtti jietnavuostáiváldi, diŋgot sáttaolbmojienasteapmái materiála dahje oažžut ođđa jienastangoartta, váldde oktavuođa. Julevu gielddain telefonnummar 0920-45 30 00 dahje lulea.kommun@lulea.se.