Válgadiehtu

Sotnabeaivvi miessemánu 26. beaivvi 2019 lea válga Europa-parlamentii. Dus guhte lea jienastanriekti leat ožžon du jienastangoartta boasttain maŋemusat miessemánu 8 beaivvi. Loga jienastangoarttas gos galggat jienastit válgabeaivvi. Ale vajálduhte iežat id-goartta.

Jienas ovdagihtii
Miessemánu 8 beaivvi rájis sáhtát jienastit ovdagihtii čuovvovaš báikkiin Julevus.

• Kulturens hus, dáiddaateljea
• Hertsön girjerájus
• Gammelstad girjerájus
• Luleå tekniska universitet, B-viesus
• Råneå ássiidvisti
• Gymnsa girjerájus (20-24 maj)
• Sunderby buohcceviesus (miessemánu 20- 25 beaivai)

Lávvordat, 25 beaivvi miessemánus, diibmu 9-13:
• Alvik skuvla
• Antnäs skuvla
• Bälinge gárdi
• Jämtö gárdi
• Klöverträsk skuvla
• Gili viessu Södra Prästholm
• Gili viessu Brändön

Visot sajiid ja rabasáiggiid gávnnat www.lulea.se dahje riŋge gildii, tel. 0920-45 30 00. Muitte ahte fertet váldit mielde jienastangoartta ja id-goartta ovdagihtiijienasteapmái.

Lohkan-tv dáidda geain lea oaidninváttut
Ovdagihtiijienasteamis Kulturens husas gávdno lohkan-tv man sis geain leat oaidninváttut sáhttet geavahit vai geahpida válgalihpuid lohkama.

Ođđa jienastangoartta
Jus it leat ožžon du jienastangoartta boastta mielde ja dárbbahat ođđa, de sáhtát váldit oktavuođa gielddain telefovdnanummaris 0920-45 30 00 dahje sáddet e-boastta lulea.kommun@lulea.se

Jienastit sáttaolbmuin
Jus leat skibas, doaibmahehttehuvvon dahje boaris ja it ieš beasa ovttage latnjii jienastit de sáhtát jienastit sáttaolbmo vehkiin. Dalle dárbbahuvvo maid vihtán. Sáttaolmmoš sáhttá leat oapmahaš dutnje, soamis guhte ámmátlaččat addá divššu dutnje dahje guhte muđui láve veahkehit du. Báikegoddeboastaguoddi sáhttá maid leat sáttaolmmoš ja sus leat materiála mielde vai galggat sáhttit jienastit sáttaolbmo bokte.

Válgalávdegottis lea maid nammadan johtti jienastanvuostáválddi gii sáhttá boahtit du lusa jus dávdda dihte it beasa jienastanbáikái. Jus háliidat veahki johtti jienastanvuostáiváldis dahje dárbbahat materiála sáttaolbmojienasteapmái riŋget gildii diŋgot dan, tel. 0920-45 30 00 dahje sádde e-boastta lulea.kommun@lulea.se