Válgadiehtu

Sotnabeaivvi geassemánu 9. beaivvi 2024 lea válga Europa-parlamentii. Jus dus lea jienastanriekti oaččut jienastangoartta. Dat boahtá poasttas sullii golbma vahku ovdal válggaid. Ale vajálduhte iežat id-goartta.

Jienas ovdagihtii Julevus
Miessemánu 22 beaivvi rájis sáhtát jienastit ovdagihtii čuovvovaš báikkiin.

• Gávpotviesus
• Edens Event & festvåning
• PRO-lanjas Råneå
• Luleå tekniska universitet, girjerájus
• Láigoguossilanjat, hallonstigen 17
• Stadsöskuvlla aulan
• Gymnsása girjerájus
• Sunderby buohcceviesus

Lávvordat, 8 beaivvi geassemánus, diibmu 9-13:

• Alvik skuvla
• Antnäs skuvla
• Bälinge gárdi
• Jämtö gárdi
• Gili viessu Klöverträsk
• Gili viessu Brändön

Lávvordat, 1 beaivvi geassemánus, diibmu 9-13, gili viessu Södra Prästholm.

Visot sajiid ja rabasáiggiid gávnnat www.lulea.se dahje riŋge gildii, tel. 0920-45 30 00. Muitte ahte fertet váldit mielde jienastangoartta ja id-goartta ovdagihtiijienasteapmái.

Lohkan-tv dáidda geain lea oaidninváttut
Ovdagihtiijienasteamis Edens Event & festvåning gávdno lohkan-tv man sis geain leat oaidninváttut sáhttet geavahit vai geahpida válgalihpuid lohkama.

Ođđa jienastangoartta
Jus it leat ožžon du jienastangoartta boastta mielde ja dárbbahat ođđa, de sáhtát váldit oktavuođa gielddain telefovdnanummaris 0920-45 30 00 dahje sáddet e-boastta lulea.kommun@lulea.se

Jienastit sáttaolbmuin
Jus leat skibas, doaibmahehttehuvvon dahje boaris ja it ieš beasa ovttage latnjii jienastit de sáhtát jienastit sáttaolbmo vehkiin. Dalle dárbbahuvvo maid vihtán. Sáttaolmmoš sáhttá leat oapmahaš dutnje, soamis guhte ámmátlaččat addá divššu dutnje dahje guhte muđui láve veahkehit du. Báikegoddeboastaguoddi sáhttá maid leat sáttaolmmoš ja sus leat materiála mielde vai galggat sáhttit jienastit sáttaolbmo bokte.

Válgalávdegottis lea maid nammadan johtti jienastanvuostáválddi gii sáhttá boahtit du lusa jus dávdda dihte it beasa jienastanbáikái. Jus háliidat veahki johtti jienastanvuostáiváldis dahje dárbbahat materiála sáttaolbmojienasteapmái riŋget gildii diŋgot dan, tel. 0920-45 30 00 dahje sádde e-boastta lulea.kommun@lulea.se